ಕೃಷಿ ಮಾಹಿತಿ | ಕೃಷಿಯಲ್ಲಿ ಮಹಿಳೆಯರ (Agricultural woman) ಪಾಲ್ಗೊಳ್ಳುವಿಕೆ ಹೆಚ್ಚುತ್ತಿದೆ. ಇದರಿಂದ ಮಹಿಳೆಯರು (woman) ಸಬಲರಾಗುತ್ತಿದ್ದಾರೆ. ಜತೆಗೆ ಅವರ ಕುಟುಂಬವೂ ಆರ್ಥಿಕವಾಗಿ ಸದೃಢವಾಗುತ್ತಿದೆ. ಕೃಷಿಯಲ್ಲಿ (Agricultural) ಮಹಿಳೆಯರ ಸಹಭಾಗಿತ್ವ ಹೆಚ್ಚಿಸಲು ಸರ್ಕಾರ ಹಲವು ಯೋಜನೆಗಳನ್ನು ಜಾರಿಗೆ ತರುತ್ತಿದೆ. ಲಖ್ಪತಿ ದೀದಿ ಯೋಜನೆ ಕೂಡ ಅಂತಹ ಪ್ರಯತ್ನಗಳ ಭಾಗವಾಗಿತ್ತು. ಇದೀಗ ಕೇಂದ್ರ ಸರ್ಕಾರ (Central Govt) ಕೃಷಿ ಮಹಿಳೆಯರ ಆದಾಯ ಹೆಚ್ಚಿಸಲು ಡ್ರೋನ್ ದೀದಿ ಯೋಜನೆ (Drone Didi Project) ಆರಂಭಿಸಿದೆ.
15,000 ಮಹಿಳೆಯರಿಗೆ ಸಿಗಲಿದೆ ಡ್ರೋನ್
ಪ್ರಧಾನಿ ನರೇಂದ್ರ ಮೋದಿ ಅವರು ನವೆಂಬರ್ 30 ರಂದು ವಿಡಿಯೋ ಕಾನ್ಫರೆನ್ಸ್ ಮೂಲಕ ಡ್ರೋನ್ ದೀದಿ ಯೋಜನೆಗೆ ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಅವರು ವಿಕಾಸ್ ಭಾರತ್ ಸಂಕಲ್ಪ ಯಾತ್ರೆಯಲ್ಲಿ ಭಾಗವಹಿಸಿದವರೊಂದಿಗೆ ಸಂವಾದ ನಡೆಸಿದರು. ಡ್ರೋನ್ ದೀದಿ ಯೋಜನೆಯಡಿ, ಮುಂದಿನ ಕೆಲವು ವರ್ಷಗಳಲ್ಲಿ 1261 ಕೋಟಿ ರೂಪಾಯಿಗಳನ್ನು ಖರ್ಚು ಮಾಡುವ ಮೂಲಕ 15,000 ಮಹಿಳಾ ಸ್ವಸಹಾಯ ಸಂಘಗಳಿಗೆ ಡ್ರೋನ್‌ಗಳನ್ನು ಒದಗಿಸಲು ಸರ್ಕಾರ ನಿರ್ಧರಿಸಿದೆ.
ಡ್ರೋನ್‌ಗಳನ್ನು ಹಾರಿಸುವುದರಿಂದ ಮಹಿಳೆಯರಿಗೆ ಆದಾಯ
ಈ ಡ್ರೋನ್ ಯೋಜನೆಯ ಮೂಲಕ, ಗೊಬ್ಬರ ಮತ್ತು ಕೀಟನಾಶಕಗಳನ್ನು ಸಿಂಪಡಿಸಲು ಡ್ರೋನ್‌ಗಳು ಸಹಾಯ ಮಾಡುತ್ತವೆ. ಇದಕ್ಕಾಗಿ ಈ ಮಹಿಳೆಯರಿಗೆ ಸುಮಾರು 15 ದಿನಗಳ ಕಾಲ ತರಬೇತಿ ನೀಡಲಾಗುತ್ತದೆ. ಡ್ರೋನ್ ಪೈಲಟ್‌ಗಳು ಮತ್ತು ಸಹ ಪೈಲಟ್‌ಗಳಿಗೆ ಡ್ರೋನ್ ಹಾರಾಟಕ್ಕಾಗಿ ಪ್ರತಿ ತಿಂಗಳು ನಿಗದಿತ ಮೊತ್ತವನ್ನು ನೀಡಲಾಗುತ್ತದೆ. ಇದಲ್ಲದೆ, ಮಹಿಳೆಯರಿಗೆ ಡ್ರೋನ್ ಖರೀದಿಸಲು ಅದರ ವೆಚ್ಚದ 80 ಪ್ರತಿಶತ ಅಥವಾ ಗರಿಷ್ಠ 8 ಲಕ್ಷ ರೂ. ನೀಡಲಾಗುತ್ತದೆ.
ಕೃಷಿಗೆ ಡ್ರೋನ್‌ಗಳ ಬಳಕೆ ಎಷ್ಟು ಪ್ರಯೋಜನಕಾರಿ..?
ದಿಢೀರ್ ರೋಗ ಬಂದಿದ್ದರಿಂದ ಯಾವುದೇ ಬೆಳೆಗೆ ಸಿಂಪಡಣೆ ಅಸಾಧ್ಯವಾಗಿತ್ತು. ಈಗ ಈ ಡ್ರೋನ್ ತಂತ್ರಜ್ಞಾನದಿಂದ ಒಂದೇ ಬಾರಿಗೆ ದೊಡ್ಡ ಪ್ರದೇಶದಲ್ಲಿ ಸ್ಪ್ರೇ ಮಾಡಬಹುದಾಗಿದೆ. ಇದು ಔಷಧ ಮತ್ತು ಸಮಯ ಎರಡನ್ನೂ ಉಳಿಸುತ್ತದೆ. ಈ ಹಿಂದೆ ಸಮಯದ ಅಭಾವದಿಂದ ರೈತರಿಗೆ ಔಷಧ ಸಿಂಪಡಣೆ ಮಾಡಲು ಸಾಧ್ಯವಾಗುತ್ತಿರಲಿಲ್ಲ. ಇದರಿಂದ ಬೆಳೆಗಳಿಗೆ ಕ್ರಿಮಿ ಕೀಟಗಳು ಬಂದು ಬೆಳೆಗಳು ಹಾಳಾಗುತ್ತಿದ್ದವು, ಆದರೆ ಈಗ ಡ್ರೋನ್‌ನಿಂದ ಒಂದೇ ಬಾರಿಗೆ ಹೆಚ್ಚು ಎಕರೆಗೆ ಸಿಂಪಡಿಸಲು ಸಾಧ್ಯವಾಗುತ್ತದೆ.
