ಬೆಂಗಳೂರು | ನಗರದಲ್ಲಿ ಕಳೆದ ಎರಡು ದಿನಗಳಿಂದ ಮಳೆಯ ಅಬ್ಬರದಿಂದಾಗಿ (Heavy rain) ಹಲವೆಡೆ ಜನಜೀವನ ಅಸ್ತವ್ಯಸ್ತವಾಗಿದೆ. ರಸ್ತೆಗಳು ನದಿಯಂತೆ ಹೊಳೆಯುತ್ತಿದ್ದರೆ, ಫ್ಲೈಓವರ್‌ಗಳು ಜಲಪಾತದಂತೆ ಪರಿವರ್ತಿತವಾಗಿವೆ. ಅಂಡರ್‌ಪಾಸ್‌ಗಳು ನೀರಿನಿಂದ ತುಂಬಿ ಬಾವಿಯಂತೆ ಕಂಡುಬರುತ್ತಿವೆ. ಈ ಹಿನ್ನೆಲೆಯಲ್ಲಿ, ಮಳೆ ನೀರು ತುಂಬಿದ ಒಂದು ಅಪಾರ್ಟ್‌ಮೆಂಟ್‌ನಲ್ಲಿ (apartments) ಇಬ್ಬರು ವಿದ್ಯುತ್ ಶಾಕ್‌ನಿಂದ ಸಾವನ್ನಪ್ಪಿದ ಘಟನೆ ಬೆಳಕಿಗೆ ಬಂದಿದೆ. ಇದಕ್ಕೆ ಸಂಬಂಧಿಸಿದಂತೆ ಡಿ ಕೆ ಶಿವಕುಮಾರ್ (DK Shivakumar’s action) ಗಂಭೀರ ಕ್ರಮ ಕೈಗೊಳ್ಳಲು ಮುಂದಾಗಿದ್ದಾರೆ.
DK Shivakumar’s action
ಬಿಟಿಎಂ ಲೇಔಟ್‌ನ ಮಧುವನ ಅಪಾರ್ಟ್‌ಮೆಂಟ್‌ನಲ್ಲಿ ಘಟನೆ ನಡೆದಿದ್ದು, ಡಿ ಕೆ ಶಿವಕುಮಾರ್ (DK Shivakumar’s action) ಮೃತರ ಕುಟುಂಬಕ್ಕೆ ಭೇಟಿ ನೀಡಿ ಸಾಂತ್ವನ ತಿಳಿಸಿದ್ದಾರೆ. ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಇದೇ ಘಟನೆ ಮರುಕಳಿಸದಂತೆ ನೂತನ ಕಟ್ಟಡ ನಿಯಮ ತರಲು ಸರ್ಕಾರ ತಯಾರಿ ನಡೆಸುತ್ತಿದೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ : Operation Kamala | ಬಿಜೆಪಿಯ ಸುಳ್ಳಿನ ರಾಶಿಗೆ ನಾವು ಹೆದರಲ್ಲ – ಸಿದ್ದರಾಮಯ್ಯ
ಮಳೆಯಿಂದ ಮೊದಲಾಗಿ ನೀರು ನುಗ್ಗುವ ಸ್ಥಳವೇ ಮನೆಗಳ ಬೇಸ್‌ಮೆಂಟ್‌ಗಳು. ಈ ಅನಾಹುತಗಳನ್ನು ತಪ್ಪಿಸಲು, ಇನ್ನು ಮುಂದೆ ಮನೆ ಅಥವಾ ಅಪಾರ್ಟ್‌ಮೆಂಟ್ ಕಟ್ಟಬೇಕಾದರೆ ಬೇಸ್‌ಮೆಂಟ್ ನಿರ್ಮಾಣ ನಿಷಿದ್ಧವಾಗಲಿದೆ. ಬೇಸ್‌ಮೆಂಟ್‌ನಲ್ಲಿ ಪಾರ್ಕಿಂಗ್ ಕೂಡಾ ಮಾಡಬಾರದು. ಭವಿಷ್ಯದಲ್ಲಿ ಈ ಬಗ್ಗೆ ಪ್ರತ್ಯೇಕ ಕಾನೂನು ತರಲಾಗುವುದು ಎಂದು ಅವರು ಹೇಳಿದ್ದಾರೆ.
ವಾಹನ ಪಾರ್ಕಿಂಗ್‌ಗಾಗಿ ಗ್ರೌಂಡ್‌ಫ್ಲೋರ್‌ ಬಳಕೆಯಾಗಬೇಕು. ಕೆರೆ ಪಕ್ಕ, ತಗ್ಗು ಪ್ರದೇಶಗಳಲ್ಲಿ ಬೇಸ್‌ಮೆಂಟ್ ಅಥವಾ ಅಂಡರ್‌ಗ್ರೌಂಡ್‌ ಪಾರ್ಕಿಂಗ್‌ಗಳನ್ನು ನಿರ್ಬಂಧಿಸಲಾಗುವುದು. ನೆಲ ಮಹಡಿಯ ಮೇಲೆ ಪಾರ್ಕಿಂಗ್‌ನ ಯೋಜನೆ ರೂಪಿಸಲಾಗುತ್ತದೆ ಎಂದು ಡಿ ಕೆ ಶಿವಕುಮಾರ್ ವಿವರಿಸಿದರು.
ಈ ಹಿಂದೆ ವಿಪತ್ತು ನಿರ್ವಹಣಾ ಇಲಾಖೆ ಬೆಂಗಳೂರಿನ 200ಕ್ಕೂ ಹೆಚ್ಚು ಪ್ರದೇಶಗಳಿಗೆ ಪ್ರವಾಹ ಭೀತಿ ಇರುವುದಾಗಿ ಎಚ್ಚರಿಕೆ ನೀಡಿತ್ತು. ಇದೀಗ ಡಿ ಕೆ ಶಿವಕುಮಾರ್ ಅವರ ಈ ಘೋಷಣೆಯು ನಗರಾಭಿವೃದ್ದಿಯಲ್ಲಿ ದೊಡ್ಡ ಬದಲಾವಣೆ ತರಲಿದೆಯೆಂಬ ನಿರೀಕ್ಷೆಯಿದೆ.
Follow Us : Facebook